धनकुटाको सहिदभूमि–१ कर्कले स्थित कालसिंह जंगलमा सडेको अवस्थामा शव फेला

धनकुटा । सहिदभूमि गाउँपालिका–१, कर्कलेस्थित कालसिंह जंगलमा एक पुरुषको शव फेला परेको छ । प्रहरीका अनुसार गतशनिवार बिहान करिब १० बजे जंगल क्षेत्रमा सडेको अवस्सथामा अन्दाजी ५०–५५ वर्ष उमेरको, हेर्दा तराई मूलको जस्तो देखिने पुरुषको शव फेला परेको हो । हालसम्म मृतकको नाम, थर र वतन खुल्न सकेको छैन ।

शव फेला परेपछि जिल्ला प्रहरी कार्यालय धनकुटाबाट अनुसन्धान अधिकृतसहितको प्रहरी टोली घटनास्थलमा पुगेर प्रारम्भिक अनुसन्धान गरेको थियो । त्यसपछि पोष्टमार्टम तथा थप अनुसन्धानका लागि शव जिल्ला अस्पताल धनकुटा पठाइएको प्रहरीले जनाएको छ। घटनाबारे थप अनुसन्धान भइरहेको जिल्ला प्रहरी कार्यालय धनकुटाले जानकारी दिएको छ।

प्रतिक्रिया दिनुहोस्