हुलाकी पाटी 
धनकुटा । पाँचौँ संस्करणको खुवाफोक गोल्डकपको उपाधी साँगुरीगढी फुटवल क्लवले जितेको छ । साँगुरीगढी गाउँपालिका वडा नं ३ खुवाफोकस्थित पिङबुङ खेल मैदानमा आइतवार सम्पन्न फाइनल खेलमा इटहरी फुटवल क्लवलाई ३-० गोलअन्तरले पराजित गर्दै साँगुरीगढी फुटवल क्लवले उपाधी जितेको हो । उपाधीसँगै साँगुरीगढीले नगद १ लाख २० हजार रुपैयाँसहित ट्रफी प्राप्त गरेको छभने उपविजेता इटहरी फुटवल क्लवले नगद ८० हजार रुपैया र ट्रफीमा चित्त वुझाएको छ ।
प्रतियोगिता खुवाफोक खेलकुद विकास समितिको आयोजना तथा खुवाफोक युनाइटेड फुटबल क्लबको व्यवस्थापनमा सञ्चालन भएको थियो । गतजेठ १४ गतेदेखि सुरु भएको प्रतियोगिताको मिडिया पार्टनर हुलाकीपाटी डटकम, मेरो गन्तव्य फेसबुक पेज र कुशल न्यूज रहेका छन् भने इन्टरनेट पार्टनर माउन्ट लिंक प्रालि रहेको थियो । विजेता तथा उपविजेता टिमका खेलाडीहरुलाई कार्यक्रमका प्रमुख अतिथि साँगुरीगढी गाउँपालिका अध्यक्ष जितेन्द्र राईले पुरस्कार वितरण गरेका थिए ।
प्रतिक्रिया दिनुहोस्