हुलाकी पाटी 
काठमाडौं । टीभीएस मोटर कम्पनीले काठमाडौंमा राष्ट्रिय स्तरको सिप प्रतियोगिता ‘स्किल फेस्ट’ सम्पन्न गरेको छ। प्रतियोगितामा नेपालभरका उत्कृष्ट ३० टेक्निसियनहरू सहभागी भएका थिए।
प्रतियोगितामा छनोट भएका टेक्निसियनहरूले अटोमोटिभ क्षेत्रमा आफ्नो सीप र ज्ञानको उत्कृष्ट प्रदर्शन गरेका थिए। उनीहरूलाई नेपालभरबाट टेलिभिजन गरिएको चरणबद्ध छनोट प्रक्रियाबाट छानिएको थियो।
यी ३० मध्ये उत्कृष्ट ५ टेक्निसियनहरूलाई थप प्रतिस्पर्धा गरी छानिनेछ, जसले भारतको बेंगलुरुमा आयोजना हुने एसिया स्तरीय टीभीएस स्किल प्रतियोगितामा नेपालको प्रतिनिधित्व गर्नेछन्।
टीभीएस मोटर कम्पनीले दुईपांग्रे सवारी साधनका क्षेत्रमा विश्वभरि आफ्नो अग्रणी स्थानलाई कायम राख्दै, विभिन्न देशका उत्कृष्ट टेक्निसियनहरूलाई एकै मञ्चमा ल्याउन यो कार्यक्रम आयोजना गरेको जनाएको छ। कार्यक्रममा टेक्निसियनहरूले नवीनतम प्रविधि, सीप, र ग्राहक सेवा क्षमताको आदानप्रदान गर्दै, मोटरसाइकल सेवा क्षेत्रलाई नयाँ उचाइमा पुर्याउने लक्ष्य राखिएको थियो।
प्रतियोगितामा टीभीएस सवारी साधनहरूको मर्मत र सेवा प्रवाहमा अद्वितीय दक्षता प्रदर्शन गर्ने टेक्निसियनहरूको चयन गरिएको थियो। सहभागीहरूले जटिल डायग्नोस्टिक र मर्मत चुनौतीहरूको सामना गर्दै आफ्नो समस्या समाधान क्षमता, प्रविधि ज्ञान, र सेवा कौशल प्रमाणित गरे।
कार्यक्रमले नेपालको अटोमोटिभ उद्योगका लागि सीप विकास र ज्ञानको आदानप्रदानको सशक्त माध्यम बनेको टीभीएसले जनाएको छ।
प्रतिक्रिया दिनुहोस्