रवि लामिछानेविरुद्धको मुद्दामा बहस जारी, आज आदेश आउने सम्भावना

काठमाडाैँ । राष्ट्रिय स्वतन्त्र पार्टीका सभापति एवं पूर्वगृहमन्त्री रवि लामिछानेविरुद्धको मुद्दामा दोस्रो दिनको थुनछेक बहस आज पनि जारी रहने छ ।

सरकारी वकिल र लामिछानेको तर्फका वकिलहरुको बसह नसकिएको हुँदा आज पनि हुने भएको हो । रविको तर्फबाट वरिष्ठ अधिवक्ता सुरेन्द्र थापा, पशुपति भण्डारीले बहस गरेका थिए ।

रुपन्देहीको सुप्रिम बचत तथा सरकारी रकम अपचलन मुद्दामा उनी गत बुधबार हाजिर भएका थिए । बुटवलको सुप्रिम सहकारी ठगी प्रकरणमा प्रतिवादीको तर्फबाट बहसमा उत्रिएका वकिलहरूले सहकारीका निक्षेपकर्ताको बचत सुरक्षण गर्ने जिम्मा रास्वपा सभापति रवि लामिछानेको नभएको जिकिर गरेका थिए । आव प्रतिवादीको तर्फबाट बहस सकिएपछि सरकारी वकिलले पुन जवाफी बहस गर्ने छन् । लगतै त्यसपछि न्यायधीशले आदेश जारी गर्ने छन् ।

सुप्रिम सहकारीको रकम अपचलन प्रकरण

प्रतिक्रिया दिनुहोस्