हुलाकी पाटी 
काठमाडौँ । दक्षिण कोरियाको व्यापार सेवा, स्वास्थ्य तथा सार्वजनिक प्रशासन क्षेत्रमा रोजगारीको अवसर सिर्जना भएसँगै गत महिनाको बेरोजगारी दरको दाबीमा कमी आएको सरकारी तथ्याङ्कले देखाएको छ ।
सोमबार त्यहाँकोे रोजगार तथा श्रम मन्त्रालयले दिएको जानकारी अनुसार गत वर्षको सोही महिनाको तुलनामा यो वर्ष रोजगारीका लागि नयाँ आवेदन दिनेको सङ्ख्या ७.९ प्रतिशतले घटेको छ । जनवरीमा रोजगारीका लागि नयाँ आवेदन दिनेको सङ्ख्या १ लाख ८६ हजार पुगेको छ ।
गत वर्ष रोजगारीका लागि नयाँ आवेदन दिनेको सङ्ख्या अक्टोबरमा १२.४ प्रतिशत, नोभेम्बरमा २.२ प्रतिशत र डिसेम्बरमा ९.० प्रतिशतले वृद्धि भएको थियो । व्यावसायिक, स्वास्थ्य तथा कल्याण र सार्वजनिक प्रशासन क्षेत्रमा कामका लागि आवेदन दिनेको संख्यामा कमी आएको तर, निर्माण र उद्योगमा क्षेत्रमा भने यो दरमा सामान्य वृद्धि भएको तथ्यांकमा देखिएको छ।
दक्षिण कोरियामा बेरोजगारहरूलाई रोजगारी प्रदान गर्न सरकारले सहयोग प्रदान गर्छ र यो राज्यको रोजगार बीमा कोषद्वारा वित्त पोषित छ। जनवरीमा रोजगारीको लाभ प्राप्त गर्नेहरूको सङ्ख्या कुल ६ लाख रहेको थियो र यो अघिल्लो वर्षको तुलनामा २.३ प्रतिशतले कम हो।
रोजगारीको खोजीमा रहेका व्यक्तिहरूको कुल भुक्तानी ३.८ प्रतिशतले बढेर ९७४.७ बिलियन वोन (६७०.१ मिलियन अमेरिकी डलर) पुगेको छ।
प्रतिक्रिया दिनुहोस्