हुलाकी पाटी 
धनकुटा । अवको अभियान: हरियाली बढाऔं, हिमाल बचाऔं भन्ने नारासहित धनकुटामा पनि राष्ट्रिय वृक्षारोपण दिवस मनाइएकाे छ ।सहिदभूमि गाउँपालिका वडा नं २ र ३ को सीमा क्षेत्रमा अवस्थित श्री पातल पंचपोखरी सामुदायिक वनमा वृक्षारोपण गरेर दिवस मनाइएको हो ।
डिभिजन वन कार्यालयको आयोजना तथा सहिदभूमि गाउँपालिकाको व्यवस्थापनमा संचालन भएको कार्यक्रममा कल्की, धुपी, पिपल जस्ता विविध जातका ३ सय संख्यामा बिरुवाहरू रोपेर वातावरणीय सन्तुलन कायम राख्न जनचेतना जगाउने प्रयास गरिएको थियो ।
कार्यक्रममा सहिदभूमि गाउँपालिका अध्यक्ष मनोज राई, प्रमुख जिल्ला अधिकारी टुवराज पोख्रेल, सामुदायिक वन उपभोक्ता महासंघ धनकुटा अध्यक्ष निलबहादुर थापा लगायतले वन तथा वातावरण संरक्षणको महत्त्वका विषयमा जानकारीमूलक अभिव्यक्ति दिएका थिए ।
वन उपभोक्ता समूहका प्रतिनिधि, जनप्रतिनिधि, स्थानीयवासी, वन कार्यालयका कर्मचारी लगायतको सहभागिता रहेको थियो ।
प्रतिक्रिया दिनुहोस्